ஆப்பு …..

  படம்

தம்பி ஒருவனை வெகுநாள் கழித்து இன்று மதியம் சந்தித்தேன். என் கூட ஒரு விளம்பர ப்ராஜெக்ட்டும் , சில டிஷ்கஷன்களும் வேலை செய்திருக்கிறான். நல்ல ஞானமும் உழைப்பும் மிக்கவன்தான். இன்று ஏதோ மூட் அவுட் போல.   “சிக்குச்சு இரை” ங்கறா மாதிரி பய எங்கிட்ட பொரி பொரின்னு பொரிஞ்சு தள்ளிட்டான்.

 

“ஏண்ணா எனக்கு இப்டி நடக்குது.கரெக்ட்டா ப்ளான் பண்ணித்தான் செய்யிறேன். நான் எப்டி வேலை பார்ப்பேன்னு உங்களுக்கே தெரியும். எல்லாம் கூடி வருது , கடைசில சொதப்பிடுது. என்ன பண்றதுன்னே தெரியல. எனக்கிட்ட எதாவது மைனஸ் பாயிண்ட் தெரியிதா சொல்லுங்க திருத்திக்கிறேன்”

 

இடம் வலமாக இல்லாமல் கொஞ்சம் ஏற்ற இறக்கத்துடன், கண்களை உருட்டியபடியே பாதி வாய்பிளந்து கமல் போல தலையாட்டி என் கையறு நிலையை வெளிப்படுத்துவதற்கு முன்னே மறுபடியும் ஆரம்பித்துவிட்டான்.

 

“பின்ன என்னணா ……. ச்செய்ன்னு இருக்கு தெரியுமா… இன்னும் இப்டியே எத்தனை நாளைக்கி.  இந்தப் பொழப்புக்கு நான் பேசாம பெட்டிக்கடை வெச்சுரலாம்ணா”…

 

பேசிக்கொண்டே போனான். அவன் என்னைத்தான் கலாய்க்கிறானோ என்னும்  சந்தேகம்வேறு எனக்கு …. கொஞ்சம் உற்று பார்த்தேன். இல்லை என்பதை உறுதிசெய்துகொண்டபின் தொடரும் அவனின் பொருமலைக் கேட்க ஆரம்பித்தேன்.

 

பேசி ஓய்ந்து கடைசியில், விரக்தியுடன் ஒரு கெட்ட வார்த்தையின் முதல் இரு எழுத்தை மட்டும் சொல்ல ஆரம்பித்து , பின் நிறுத்தி , வேண்டாம் என்பதுபோல் தலையை ஆட்டி

 

“……… சரி விடுங்கண்ணா…..விட்டா இப்டி பேசிட்டே இருப்பேன். உங்களுக்கு இப்போ என்ன ப்ராஜெக்ட் போவுது,?”  என்ற கேள்வியுடன் முடித்தான்.

 

நானும், இப்போது  இருக்கும் சில வேலைகளையும், இல்லாத  சில வேலைகளையும் சேர்த்து ஒரு பில்டப்புடன் சொல்லி, “ஏதோ போகுது தம்பி பொழப்பு “ என்று நிறுத்தினேன்.

 

ஆச்சர்யத்துடன்  “எப்டிண்ணா இப்டி” என்பதைப்போல என்னைப் பார்த்தான். நானும் அவன் ஃபீலிங்கை சகிக்க இயலாமல் டாபிக்கை மாற்றினேன்.  தெலுங்கு ஹிந்தி என்று படங்களை பற்றிப் பேசிவிட்டு கடைசியாக தத்துவ செஷனுக்கு வந்தோம்.

அப்போ நான் சும்மா இல்லாமல் ஒரு பாயின்டை எடுத்துவிட்டேன்.

 

“”””””“தம்பி , லைப்ல  எது கிடைக்குதோ, அதை தொத்தி போய்க்கிட்டே இருக்கணும். ரொம்ப ப்ளான் பண்ணி பண்றது, ஸ்மார்ட்டா செய்யிறதா நெனச்சு ரொம்ப பில்ட்டப் குடுக்குறது, மத்தவனெல்லாம் முட்டாள், நான் தான் பெரிய அறிவாளின்னு ஜூ காட்டுறது. இதெல்லாம் இருந்துச்சுன்னு வெச்சுக்கோ….. ஆப்பு தான் “””””

 

அவன் புரிந்ததைப்போல் தலையாட்டினான். ஆனாலும் அவன் மனசு கேட்கவில்லை..

 

“நீங்க சொல்லுறது சரி மாதிரி இருக்கு, ஆனா மனசு ஒப்புக்கலண்ணா. இப்போ ஒரு தொழில சிறப்பா செய்ய ஸ்மார்ட்னெஸ் வேணும்தானே. ஒரு கலையோ விளையாட்டோ எதுன்னாலும் ப்ராக்டீஸ் கூட ப்ளானிங்கும் இருந்தாத்தானே ஷைன் ஆக முடியும்.?”

 

“தம்பி, ஒரு தொழிலில் அது சார்ந்த ஸ்மார்ட்னெஸ், ஒரு கலையில் அதுசார்ந்த ப்ளானிங் இருந்தாத்தான் அதில் நாம அனுபவங்களைப் பெற்று  நிபுணத்துவம் பெறமுடியும். ஆனா நான் சொல்லுறது தனிமனிதன் சார்ந்த ஸ்மார்ட்னெஸ்ஸும், அடுத்தவனை கவிழ்த்தி மீறும் அகம்பாவமும், அதை சார்ந்த ப்ளானிங்கும் சொல்றேன். அதில் சக்ஸஸ் வந்தாலும் அது நிலைக்காது”

 

“எப்டிண்ணா……?”

 

இதுக்கு நான் கொடுத்த விளக்கத்தை இங்கே சொல்லப்போவதில்லை. சுருக்கமாக சொல்லவேண்டுமென்றால் நான் படித்த சில கோட்பாடுகளையும், வாதத்திற்கென்று வேண்டுமென்றே கடமடித்த சில அறிவுஜீவிகளின் மேற்கோள்களையும் வரிசையாக அவனுக்கு அடுக்கி அடுக்கி ஒருவழியாக முடித்து ஒரு மிதப்புடன் அவனைப் பார்த்தேன்.

 

என்னை வைத்தகண் வாங்காமல் பார்த்த தம்பி, கொஞ்ச நேரம்  அமைதியாக இருந்துவிட்டு  கிளம்பத் தயாரானான். கிளம்பும்போது என் கைகளைப் பிடித்து

 

“அண்ணா …. நீங்க உண்மையிலேயே ஜீனியஸ்ணா” என்று சொல்லிவிட்டுப் போனான்.

 

அப்போதுதான் எனக்கு நறுக்கென்று யாரோ குட்டியதுபோல இருந்தது. அது வேறு யாருமில்லை. சாட்சாத் நானேதான்…

 

நான் முதலில் எடுத்துவிட்ட பாயிண்ட் கொடுத்த குட்டுதான் அது .

 

தயவுசெய்து எனக்காக  அதை ஒருமுறை படித்துவிடுங்கள்…

 

………………………………………………………………………………………………………………………

……………………………………………………………………………………………………………………

…………………………………………………………………………………………………………………

 

எப்படி நான் எனக்கே வைத்துக்கொண்ட “ஆப்பு” ….?????!!!!!!!!

 

Advertisements

About arrawinthyuwaraj

be happy and make others happy
This entry was posted in Uncategorized. Bookmark the permalink.

12 Responses to ஆப்பு …..

  1. sheila.rathnam சொல்கிறார்:

    apart aappu…good write up 🙂 great

  2. vennila சொல்கிறார்:

    அட விடுப்பா……… இதெல்லாம் புதுசா என்ன…….நமக்கு ஆப்புவாங்குறதெல்லாம் ஆப்பம் சாப்பிடுறமாதிரி தானே!!!!!!!!!!!!!

  3. Subasree Mohan சொல்கிறார்:

    hahaha Super ….Aappu eppothu yaarkitte irunthu varum nu sollave mudiyaathu. ippo unggakita irunthu unkalukke vantha maathiri…

  4. Shanmuga Vadivu சொல்கிறார்:

    Ha ha haa… Ippadithaan poittu irukku yellor pizhaippum….

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s